Missjoni META
Il-META-NET huwa “Network of Excellence” bl-għan li jiżviluppa l-pedamenti teknoloġiċi għal soċjetà Ewropea multilingwi fl-era tal-informatika. It-teknoloġiji lingwistiċi huma mistennija li:
Sabiex jinħolqu programmi li jippermettu, fil-kuntest ta’ lingwi differenti, it-traduzzjoni awtomatika, l-aċċess għal informazzjoni, l-organizzazzjoni tal-għarfien u l-ħolqien ta’ kontentu ġdid, jeħtieġ li jsir sforz qawwi fir-riċerka fit-teknoloġija tal-lingwa, organizzat mal-kontinent kollu. Dan l-isforz għandu jirriżulta wkoll f’interfaces li jużaw il-lingwa u li huma faċli biex tużahom, għal kull xorta ta’ applikazzjoni, mill-oġġetti elettroniċi li jintużaw id-dar, għall-makkinarju u l-karozzi, il-kompjuters u r-robots. Biex jintlaħaq dan il-għan, il-META-NET qed tibni l-Multilingual Europe Technology Alliance (META), li tlaqqa’ flimkien riċerkaturi, provvedituri tat-teknoloġija kummerċjali, utenti tat-teknoloġija tal-lingwa kemm bħala individwi kif ukoll bħala rappreżentanti ta’ kumpaniji, professjonisti li jaħdmu fil-qasam tal-lingwa, u ‘stakeholders’ oħrajn fis-soċjeta tal-informatika. Il-META se twettaq l-isforz kollettiv neċessarju biex tiżviluppa t-teknoloġija tal-lingwa bħala mezz biex jintlaħaq l-għan ta’ Ewropa magħquda b’suq diġitali u spazju informatiku komuni. |
Il-META-NET qed tgħin biex jitwettqu dawn l-għanijiet permezz ta’ tlett linji ta’ azzjoni:
1. l-iżvilupp ta’ soċjetà dinamika u influwenti madwar viżjoni u aġenda strateġika komuni (META-VISION); 2. il-ħolqien ta’ faċilità miftuħa u mifruxa fuq siti differenti għad-distribuzzjoni u l-iskambju ta’ riżorsi (META-SHARE); 3. il-ħolqien ta’ rabtiet ma’ oqsma ta’ teknoloġija relatati (META-RESEARCH). Niżżel il- META Flyer. |